உளுந்தூர்பேட்டை அருகே எலவனாசூர்கோட்டையில்ஆனந்தன் என்பவருக்கு சொந்தமான பந்தல் மேடை அலங்காரம் அமைக்கும் கடையில், திடீரென மின்கசிவு ஏற்பட்டு கடை தீப்பிடித்து எரிய தொடங்கின. கடை எரிவதைக் கண்டு அங்கிருந்தவர்கள் தீயை அணைக்க முயற்சி செய்தனர். தீ மளமளவென பரவியதால் தீயை அணைக்க முடியாமல் உளுந்தூர்பேட்டை தீயணைப்பு துறைக்கு தகவல் கொடுக்கப்பட்டது. மேலும் தீயானது அருகில் இருந்த குடியிருப்புகளுக்கும் பரவியதால் மாடியில் வைக்கபட்டிருந்த தண்ணீர் தொட்டிகள் உருகி வீணாகியதோடு வீட்டின் ஜன்னல் கண்ணாடிகள் உடைந்து சேதமடைந்தது.பிறகு அங்கு வந்த தீயணைப்பு குழுவினர் சுமார் 30 நிமிடங்களுக்கு மேலாக போராடி தீயை அணைத்தனர். இந்த தீவிபத்தில் 10 லட்சம் மதிப்பிலான பந்தல் அமைக்கும் மரம், கீற்று மற்றும் அலங்கார பொருட்கள் முற்றிலும் எரிந்து சாம்பலானது.
