26.5 C
Kallakkurichi
Saturday, February 27, 2021

தொழிலாளி தீக்குளித்து சாவு-தற்கொலைக்கு தூண்டியதாக 2 பேர் கைது

Must Read

பஸ் ஊழியர்களின் ஸ்டிரைக் தற்காலிகமாக வாபஸ்..

தமிழகத்தில் அரசு போக்குவரத்துக் கழக ஊழியர்களின் வேலைநிறுத்தப் போராட்டம் தற்காலிமாக வாபஸ் பெறப்பட்டுள்ளது. 14-வது ஊதிய ஒப்பந்தத்தை உடனடியாக நிறைவேற்ற வேண்டும், அரசு போக்குவரத்து கழகங்களுக்கு உரிய...

பாலியல் வழக்கில் சிக்கிய ஸ்லம்டாக் மில்லினர் நடிகர்

ஸ்லம்டாக் மில்லினர் படத்தில் நடித்து பிரபலமான மதுர் மிட்டல் மீது இளம் பெண் ஒருவர் பாலியல் புகார் அளித்துள்ளார்.            ...

சிஷ்யன் இயக்கத்தில் நடிக்கும் சசிகுமார்…

தமிழ் சினிமாவில் பல வெற்றிப்படங்களில் நடித்த சசிகுமார் மீண்டும் தன்னுடைய சிஷ்யன் இயக்கத்தில் நடிக்க இருக்கிறார்.                ...
கள்ளக்குறிச்சி ராஜாநகர் பகுதியை சேர்ந்தவர் சுரேஷ் (வயது 42). தொழிலாளி. இவரது மகள் சினேகா. இவள் வீட்டின் பின்புறம் கழிவுநீர் வாய்க்கால் கரையில் இருந்த செடியில் சுண்டைக்காய் பறித்துள்ளாள். இதைபார்த்த பக்கத்து வீட்டை சேர்ந்த கொளஞ்சி (55) என்பவர் சினேகாவையும், அவளது தம்பியையும் திட்டி தாக்கியதாக தெரிகிறது. இதையறிந்த சுரேஷ் தனது மனைவி சுமதியுடன் சேர்ந்து சென்று கொளஞ்சியிடம் பொது இடத்தில் உள்ள செடியில் இருந்து சுண்டைக்காயை பறித்த என் குழந்தைகளை ஏன் அடித்தீர்கள் என்று கூறி தட்டிக்கேட்டுள்ளார்.

இதில் ஆத்திரமடைந்த கொளஞ்சி தனது மகன் வேலு என்பவருடன் சேர்ந்து கொண்டு அவர்களை தாக்கியதாக தெரிகிறது. மேலும் சண்டையை விலக்கிவிட்ட சுரேசின் உறவினர் சீதாராமனையும் தாக்கியதாக தெரிகிறது. இதில் பலத்த காயமடைந்த சுரேஷ், சுமதி, சீதாராமன் ஆகிய 3 பேரும் கள்ளக்குறிச்சி அரசு மருத்துவமனையில் சிகிச்சை பெற்று வீடு திரும்பினர். இந்த நிலையில் பக்கத்து வீட்டை சேர்ந்தவர்களுடன் ஏற்பட்ட சண்டையால் அவமானம் அடைந்த சுரேஷ் மண்எண்ணெயை தன் மீது ஊற்றி தீ வைத்துக் கொண்டார்.
இதைபார்த்த அக்கம் பக்கத்தினர் அவரை மீட்டு சிகிச்சைக்காக கள்ளக்குறிச்சி அரசு மருத்துவமனையில் சேர்த்தனர். அங்கு அவரிடம் கள்ளக்குறிச்சி கூடுதல் அமர்வு நீதிபதி வாக்குமூலம் பெற்றார். இதைத் தொடர்ந்து மேல்சிகிச்சைக்காக சென்னை அரசு மருத்துவமனையில் அவர் அனுமதிக்கப்பட்டார். அங்கு சிகிச்சை பலனின்றி சுரேஷ் நேற்று இறந்தார். இது குறித்த புகாரின் பேரில் சுரேசை தற்கொலைக்கு தூண்டியதாக கொளஞ்சி, வேலு ஆகியோரை கள்ளக்குறிச்சி போலீசார் கைது செய்து விசாரணை நடத்தி வருகின்றனர்.

LEAVE A REPLY

Please enter your comment!
Please enter your name here

- Advertisement -

Latest News

பஸ் ஊழியர்களின் ஸ்டிரைக் தற்காலிகமாக வாபஸ்..

தமிழகத்தில் அரசு போக்குவரத்துக் கழக ஊழியர்களின் வேலைநிறுத்தப் போராட்டம் தற்காலிமாக வாபஸ் பெறப்பட்டுள்ளது. 14-வது ஊதிய ஒப்பந்தத்தை உடனடியாக நிறைவேற்ற வேண்டும், அரசு போக்குவரத்து கழகங்களுக்கு உரிய...
- Advertisement -

More Articles Like This