26.5 C
Kallakkurichi
Friday, March 5, 2021

சுங்கச்சாவடிகளில் 50 சதவீத கட்டணம் மட்டுமே வசூலிக்க வேண்டும் :ஐகோர்ட்டு

Must Read

விஜய் சேதுபதியின் அடுத்தடுத்து ரிலீசாகும் 4 படங்கள் !!

இந்தியா முழுவதும் பிரபலமான நடிகராகி விட்ட விஜய் சேதுபதி, கோலிவுட் முதல் பாலிவுட் வரை பல்வேறு மொழி படங்களில் நடித்து வருகிறார்.        ...

ஜோசப் ஸ்டாலின் நினைவு தினம் …

லெனின் மறைவுக்குப் பின், சோவியத் ஒன்றியத்தின் பொதுவுடைமைக் கட்சியின் மத்தியக்குழு பொதுச் செயலாளராக 1922 முதல் அவர் மறைந்த 1953 வரை, தலைவராக விளங்கினார்    ...

ஸ்ரீ குருவாயூரப்பன் ஸ்லோகம் !!

எல்லா வியாதிகளையும் குணமாக்கி ஆரோக்கியம் அருள வேண்டும் என்று மனதில் நினைத்து கொண்டு இந்த ஸ்லோகத்தை தினமும் சொல்லி வந்தால் நிச்சயம் பலன் கிடைக்கும்.    ...

சுங்கச்சாவடிகளில் 50 சதவீத கட்டணமே வசூலிக்கும் உத்தரவு நீட்டிப்பு- ஐகோர்ட் அதிரடி

                                                            சென்னை ஐகோர்ட்

சென்னை மதுரவாயல் முதல் வேலூர் மாவட்டம் வாலாஜாபேட்டை வரை உள்ள தேசிய நெடுஞ்சாலை மோசமான நிலையில் உள்ளதாகவும், அந்த சாலைகள் முறையாக பராமரிக்கப்படுவதில்லை எனவும் நீதிபதி எம்.சத்தியநாராயணன், ஐகோர்ட்டு தலைமை நீதிபதிக்கு கடிதம் அனுப்பினார். இந்த கடிதத்தின் அடிப்படையில் சென்னை ஐகோர்ட்டு தாமாக முன்வந்து இந்த வழக்கை விசாரணைக்கு எடுத்து விசாரித்து வருகிறது.

இந்த வழக்கு கடந்தமுறை விசாரணைக்கு வந்தபோது, முறையாக பராமரிக்கப்படாததால் மதுரவாயல்-வாலாஜா இடையிலான தேசிய நெடுஞ்சாலையில் உள்ள 2 சுங்கச்சாவடிகளில் 50 சதவீத கட்டணத்தை மட்டுமே வசூலிக்க வேண்டும் என உத்தரவிடப்பட்டிருந்தது.

இந்த வழக்கு நீதிபதிகள் எம்.சத்தியநாராயணன், ஏ.ஏ.நக்கீரன் ஆகியோர் முன்பு விசாரணைக்கு வந்தது. அப்போது தேசிய நெடுஞ்சாலை ஆணையம் தரப்பில் பதில் மனு தாக்கல் செய்யப்பட்டது. ஆணையம் தரப்பில் ஆஜரான உதவி சொலிசிட்டர் ஜெனரல் ஜி.கார்த்திகேயன், இந்த திட்டம் கடந்த 2003-ம் ஆண்டு 4 வழிச்சாலைத் திட்டமாக தொடங்கப்பட்டது. தற்போது இதனை 6 வழிச்சாலையாக மாற்றும் திட்டம் நடைபெற்றுவருகிறது. மேலும் கடந்த ஆண்டைவிட தற்போது இந்த சாலை மேம்படுத்தப்பட்டுள்ளது. வரும் பிப்ரவரி 15-ந் தேதிக்குள் பராமரிப்பு பணிகள் முடிந்துவிடும். அதேநேரம், காஞ்சீபுரம், ராணிப்பேட்டை மாவட்ட கலெக்டர்கள் உள்ளிட்ட மாநில அரசுத்துறை அதிகாரிகளிடம் இருந்து இந்த பராமரிப்பு பணிகளுக்கு போதுமான ஒத்துழைப்பு கிடைப்பது இல்லை’ என்று கூறினார்.

இதையடுத்து வழக்கை விசாரித்த நீதிபதிகள், தேசிய நெடுஞ்சாலை ஆணையம், இந்த விவகாரத்தில் ஒத்துழைப்பு வழங்காத அதிகாரிகளை எதிர்மனுதாரர்களாக சேர்க்க உத்தரவிட்டனர். மேலும், மதுரவாயல்-வாலாஜாபேட்டை இடையிலான தேசிய நெடுஞ்சாலையில் உள்ள 2 சுங்கச்சாவடிகளில் 50 சதவீத கட்டணம் மட்டுமே வசூலிக்க வேண்டும் என்ற இடைக்கால உத்தரவை வரும் மார்ச் 11-ந் தேதி வரை நீட்டித்து உத்தரவிட்டு விசாரணையை தள்ளிவைத்தனர்.

LEAVE A REPLY

Please enter your comment!
Please enter your name here

- Advertisement -

Latest News

விஜய் சேதுபதியின் அடுத்தடுத்து ரிலீசாகும் 4 படங்கள் !!

இந்தியா முழுவதும் பிரபலமான நடிகராகி விட்ட விஜய் சேதுபதி, கோலிவுட் முதல் பாலிவுட் வரை பல்வேறு மொழி படங்களில் நடித்து வருகிறார்.        ...
- Advertisement -

More Articles Like This