‘கள்ளக்குறிச்சி மாவட்டத்தில் கொரோனா தொற்று பாதித்த குடும்பத்தினர் ஒரு மாதத்திற்கு தேவையான உணவுப் பொருட்களை வாங்கிச் செல்லலாம்’ என குமரகுரு எம்.எல்.ஏ., தெரிவித்துள்ளார்.கள்ளக்குறிச்சி மாவட்டத்தில் கொரோனா தொற்று பாதிப்பு அதிகரித்து வருகிறது. தொற்று உறுதி செய்யப்பட்டவர்கள் தனிமைப்படுத்தப்பட்டு சிகிச்சை பெற்று வருகின்றனர். இதனால் அவர்களின் குடும்பத்தில் உள்ளவர்களுக்கு ஒரு மாதத்திற்கு தேவையான அரிசி, மளிகை, காய்கறி பொருட்களை குமரகுரு எம்.எல்.ஏ.,வழங்கி வருகிறார்.நேற்று கொரோனா தொற்று பாதிக்கப்பட்ட குடும்பங்களுக்கு நிவாரண உதவிகளை வழங்கிய பின் நிருபர்களிடம் கூறுகையில், ‘கள்ளக்குறிச்சி மாவட்டத்தில் கடந்த 15ம் தேதி முதல் கொரோனா தொற்று உறுதி செய்யப்பட்டு சிகிச்சை பெற்று வருபவர்களின் குடும்பத்திற்கு ஒரு மாதத்திற்கு தேவையான அரிசி, மளிகை, காய்கறி உள்ளிட்ட பொருட்கள் வழங்கப்படும்.எனவே மாவட்டத்தில் கொரோனா தொற்று உறுதி செய்யப்பட்டவர்களின் குடும்பத்தினர் எனது மொபைல் போன் எண். 94432 68259 அல்லது உதவியாளர்கள் சுரேஷ் 95667 82405, தமிழ் 97901 01852 மொபைல் எண்களுக்கோ தொடர்பு கொண்டு நிவாரணப் பொருட்களை வாங்கிச் செல்லலாம்’ என்றார்.அ.தி.மு.க., ஒன்றிய செயலர் முனிராஜ், கூட்டுறவு சங்க துணைத் தலைவர் ராமசாமி உடனிருந்தனர்.
