26.5 C
Kallakkurichi
Friday, March 5, 2021

காரில் விளையாடிய 2 சிறுமிகள், மூச்சுத்திணறி பலி

Must Read

விஜய் சேதுபதியின் அடுத்தடுத்து ரிலீசாகும் 4 படங்கள் !!

இந்தியா முழுவதும் பிரபலமான நடிகராகி விட்ட விஜய் சேதுபதி, கோலிவுட் முதல் பாலிவுட் வரை பல்வேறு மொழி படங்களில் நடித்து வருகிறார்.        ...

ஜோசப் ஸ்டாலின் நினைவு தினம் …

லெனின் மறைவுக்குப் பின், சோவியத் ஒன்றியத்தின் பொதுவுடைமைக் கட்சியின் மத்தியக்குழு பொதுச் செயலாளராக 1922 முதல் அவர் மறைந்த 1953 வரை, தலைவராக விளங்கினார்    ...

ஸ்ரீ குருவாயூரப்பன் ஸ்லோகம் !!

எல்லா வியாதிகளையும் குணமாக்கி ஆரோக்கியம் அருள வேண்டும் என்று மனதில் நினைத்து கொண்டு இந்த ஸ்லோகத்தை தினமும் சொல்லி வந்தால் நிச்சயம் பலன் கிடைக்கும்.    ...
கள்ளக்குறிச்சி மாவட்டம் திருக்கோவிலூர் அருகே உள்ள குலதீபமங்கலம் பாரதியார் தெருவை சேர்ந்தவர் ஏழுமலை. இவரது மகள் ராஜேஸ்வரி(வயது 7). இவள், அதே கிராமத்தில் உள்ள அரசு பள்ளிக்கூடத்தில் 2-ம் வகுப்பு படித்து வந்தாள். இவளும், பக்கத்து வீட்டை சேர்ந்த அய்யனார் மகள் வனிதா(3)வும் நேற்று மதியம் அதே தெருவில் விளையாடிக்கொண்டிருந்தனர்.
அப்போது அந்த தெருவில் பழுதான கார் ஒன்று பல நாட்களாக நிறுத்தி வைக்கப்பட்டிருந்தது. அந்த காரின் கதவை திறந்து, 2 சிறுமிகளும் உள்ளே சென்றனர். பின்னர் காரின் கதவை திறப்பதும், மூடுவதுமாக 2 பேரும் விளையாடிக்கொண்டிருந்தனர். அவர்கள் உள்ளே இருந்த நிலையில் காரின் கதவு திடீரென ‘லாக்’ ஆகி விட்டது. இதனால் காரின் உள்ளே சிக்கி கொண்ட சிறுமிகளுக்கு கதவை திறக்க முடியவில்லை.
காரில் 4 கதவுகளின் கண்ணாடியும் காற்று உள்ளே புகாத வகையில் மூடப்பட்டிருந்தது. இதனால் 2 சிறுமிகளும் காப்பாற்றுங்கள், காப்பாற்றுங்கள் என அபயக்குரல் எழுப்பினர். ஆனால் காரின் கதவுகள் மூடப்பட்டு இருந்ததால், அவர்களது சத்தம் வெளியே கேட்கவில்லை. நேரம் செல்ல, செல்ல 2 சிறுமிகளுக்கும் மூச்சுத்திணறல் ஏற்பட்டது. பின்னர் சிறிது நேரத்தில் 2 பேரும் மயங்கி விழுந்தனர்.
இதற்கிடையில் மாலை வெகுநேரமாகியும் சிறுமிகள் வீட்டிற்கு வராததால் அவர்களது பெற்றோர் 2 பேரையும் தேடினர். அப்போது, அந்த தெருவை சேர்ந்த ஒருவர், 2 சிறுமிகளும் காரின் அருகில் விளையாடிக் கொண்டிருந்ததாக தெரிவித்தார். உடனே அவர்கள், அந்த காரின் அருகில் சென்று பார்த்தபோது, 2 சிறுமிகளும் காருக்குள் மயங்கிக் கிடந்ததை கண்டு அதிர்ச்சி அடைந்தனர். உடனே அவர்கள், கதறி அழுததோடு கூச்சலிட்டனர். அவர்களது சத்தம் கேட்டு, அந்த தெரு மக்கள் ஓடிவந்தனர். உடனடியாக காரின் கதவை திறந்து, உள்ளே இருந்த 2 சிறுமிகளையும் மீட்டு சிகிச்சைக்காக திருக்கோவிலூர் அரசு மருத்துவமனைக்கு கொண்டு சென்றனர். அங்கு இருவரையும் பரிசோதித்த டாக்டர்கள், ஏற்கனவே வனிதாவும், ராஜேஸ்வரியும் இறந்துவிட்டதாக தெரிவித்தனர்.
இது பற்றி தகவல் அறிந்ததும் திருக்கோவிலூர் துணை போலீஸ் சூப்பிரண்டு மகேஷ், மணலூர்பேட்டை இன்ஸ்பெக்டர் செல்வம், சப்-இன்ஸ்பெக்டர் ராஜசேகர் மற்றும் போலீசார் சம்பவ இடத்துக்கு சென்று விசாரணை நடத்தினர். மேலும் இது தொடர்பாக மணலூர்பேட்டை போலீசார் வழக்குப்பதிவு செய்து விசாரணை நடத்தி வருகின்றனர். இந்த சம்பவத்தால் அந்த கிராமமே சோகத்தில் மூழ்கி உள்ளது.

LEAVE A REPLY

Please enter your comment!
Please enter your name here

- Advertisement -

Latest News

விஜய் சேதுபதியின் அடுத்தடுத்து ரிலீசாகும் 4 படங்கள் !!

இந்தியா முழுவதும் பிரபலமான நடிகராகி விட்ட விஜய் சேதுபதி, கோலிவுட் முதல் பாலிவுட் வரை பல்வேறு மொழி படங்களில் நடித்து வருகிறார்.        ...
- Advertisement -

More Articles Like This