கள்ளக்குறிச்சியில் கொரோனா பாதிப்பு காரணமாக ஊரடங்கு நடைமுறைப்படுத்தப்பட்டதால் கடந்த 55 நாட்களாக மூடிக்கிடந்த அரசு அலுவலகங்கள் குறைந்த பணியாளர்களுடன் துவங்கியது.கொரோனா தொற்று காரணமாக ஊரடங்கு அமலில் இருந்ததால், மருத்துவம், வருவாய், காவல், உள்ளாட்சி அமைப்புகள் மற்றும் வங்கித்துறை சார்ந்த அலுவலகங்கள் தவிர மற்ற அனைத்து அரசு, தனியார் அலுவலகங்கள் மூடப்பட்டன.இந்நிலையில் ஊரடங்கு தளர்வு அறிவித்துள்ள நிலையில், பல்வேறு நிபந்தனைகளுடன் அரசு அலுவலகங்கள் இயங்கலாம் என அறிவிக்கப்பட்டது. கள்ளக்குறிச்சி மாவட்டத்தில் கொரோனா பாதிப்பின் வேகம் அதிகரித்து வரும் நிலையில் அரசுத்துறை அலுவலகங்கள் 50 சதவீத ஊழியர்களுடன் இயங்கத் துவங்கின.கள்ளக்குறிச்சியில் கடந்த 55 நாட்களுக்கும் மேலாக மூடிக்கிடந்த இ-சேவை மையம் உள்ளிட்ட அரசுத்துறை அலுவலகங்கள் குறைந்தளவு பணியாளர்களுடன் பணிகள் துவங்கின.
