ஒரே கிராமத்தில் அடுத்ததுடுத்த மூன்று வீடுகளில் கைவரிசை காட்டிய கொள்ளையர்கள் !

கள்ளக்குறிச்சி மாவட்டம் கள்ளக்குறிச்சி அருகே உள்ள எரவார் கிராமத்தில் அடுத்தடுத்து மூன்று வீடுகளில் புகுந்து கொள்ளை.அக்கிராமத்தில் உள்ள கிருஷ்ணமூர்த்தி என்பவர் தனது மனைவி மற்றும் குழந்தைகளுடன் வீட்டின் வராண்டாவில் படுத்திருந்துள்ளார்.இந்த நிலையில் வீட்டினுள் புகுந்த கொள்ளையர்கள் பிரோவில் வைத்திருந்த 4 லட்சம் ரூபாய் பணத்தையும் 12 பவுன் நகைகளை கொள்ளையடித்து கொண்டனர் அதே போல வாசலில் உறங்கி கொண்டிருந்த கிருஷ்ணாமூர்த்தியின் மனைவியின் கழுத்தில் இருந்த தாலி கொடியையும் பறித்து சென்றுள்ளனர்.இதனை அறிந்த மனைவி கத்தி கூச்சலிட கொள்ளையர்கள் பின் பக்க கதவு வழியாக தப்பி சென்று விட்டனர்.அதே போல கிருஷ்ணமூர்த்தி விட்டின் பின் பக்க தெருவில் வசித்து வரும் பானுமதி என்பவர் தனது வீட்டை பூட்டி விட்டு அருகே உள்ள தனது தாய் வீட்டிற்கு சென்று உறங்கி கொண்டிருந்த போது  அவரின் வீட்டை பூட்டை உடைத்து வீட்டில் இருந்த வெள்ளி ,கொலுசு மெட்டி மற்றும் பணம் மற்றும் அவரது மகளின் பள்ளி சீருடை  ஆகியவற்றை கொள்ளை யடித்தனர்.அதே போல பானுமதி வீட்டின் அருகே உள்ள மற்றொரு வீட்டின் பூட்டை உடைத்த போது அக்கம் பக்கத்தினர் சுதாரித்து கொண்டதால் கொள்ளையர்கள் தப்பி சென்று விட்டனர்.ஒரே கிராமத்தில் தொடர்ந்து மூன்று வீடுகளில் கொள்ளை சம்பவம் அரங்கேறியதால் கிராமத்தில் பரபரப்பு நிலவி வருகிறது.இது குறித்து கிருஷ்ணமூர்த்தி மற்றும் பானுமதி ஆகியோர்  சின்ன சேலத்தில் காவல் நிலையத்தில் புகார் அளித்தனர்.மேலும் சமபவ இடத்திற்க்கு சென்று போலிசார் விசாரணை மேற்கொண்டு வருகின்றனர்…